اسلام آباد۔15جون (اے پی پی) وفاقی حکومت قومی نصاب دی منظوری ݙے ݙتی۔ وفاقی ??زارت تعلیم ولوں جاری اعلامیہ موجب ایں نصاب دا اطلاق اسلام آباد دے سارے تعلیمی اداریاں دے نال نال ملک اچ وفاقی حکومت دے تحت ٻݨے اداریاں تے ہوسی اتے کوئی وی شعبہ ایں توں اتے نہ ہوسی۔ اعلامیہ اچ ݙسیا ڳیا جو نانویں توں ٻارہویں ج??اع?? دے نصاب دی تیاری دا کم جامع انداز اچ انجام ݙتا ڳے۔ ایں بارے ملک ت??ں پالیسی سازاں، ماہرین تعلیم، اساتذہ، والدین اتے طلبہ سودھے سٹیک ہولڈرز دے نال ہک جامع مشاورتی مشق کیتی ڳی۔ ایں مقصد کیتے نہ صرف ملک اچ پالیسی ڈائیلاگ منعقد کیتے ڳے بلکہ متعلہ حکام توں رائے ڳھنݨ کیتے کئی نصابی ورکشا??س وی کیتی ڳن۔ نصاب دی تیاری دے سارے اقدامات دے نال سارے سٹیک ہولڈرز کوں ہر سطح تے شامل کیتا ڳے۔ ہر صوبے اچ علاقائی نصاب ورکشاپس دے بعد این سی سی سیکریٹریٹ اسلام آباد اچ ہک چھیکڑی نصاب ورکشاپ کیتی ڳن جئیں اچ سارے صوبے، آزاد جموں و کشمیر اتے گلگت بلتستان دے نامزد ماہرین نو مضامین دے نصاب تے دستخط کیتن جئیں اچ اردو، انگریزی، اسلامیات، پاکستان سٹڈیز، ریاضی، فزکس، کیمسٹری، بائیولوجی اتے کمپیوٹر سائنس شامل ہن۔ تفصیلی غور دے بعد اسلام آباد اتے وفاقی ??زارتاں دے ماتحت اداریاں کیتے نصاب دے نوٹیفکیشن نال عملدرآمد دا پلان وی جاری کر ݙتا ڳے جئیں موجب نانویں اتے یارھویں ج??اع?? دا نصاب 2024 اتے ݙاہویں اتے بارھویں ج??اع?? دا نصاب 2025 دے تعلیمی سال توں نافذ کر ݙتا ویسی۔
