اسلام آباد۔1فروری(اے پی پی)سپیکر قومی اسمبلی راجہ پرویز اشرف آ??ین دی گولڈن جوبلی تقریبات شایان شان طریقے ںال مناوݨ دا اعلان کیتے ۔ قومی اسمبلی سیکرٹریٹ موجب اسپیکر قومی اسمبلی آئین پاکستان دے 50 سال مکمل تھیوݨ تے مہینہ بھر شاندار تقریبات دے انعقاد دا اعلان کیتے اتے ایں حوالے نال سینیٹر رضا میاں رضا ربانی دی سربراہی اچ ھک 14 رکنی ایڈوائزری کمیٹی وی تشکیل ݙتی اے جیڑھی انہاں تقریبات دے حوالے نال سارے انتظامات دی نگرانی کریسی ۔سپیکرآکھیے تقریبات کراوݨ دا مقصد ملک اچ وسݨ آلے لوکاں کوں آئین دی اہمیت نال روشناس کراوݨ، پاکستان کوں ھک جامع دستور ݙیوݨ آلی باکمال دستور ساز اسمبلی کوں خراج تحسین پیش کرݨ تے اداریں دے درمی??ن آئین دی حدود اچ رہندے ہوئیں آپݨے فرائض دی انجام دہی دی افادیت کوں اجاگر کرݨا اے ۔ایں حوالے نال سنیٹر صدر میاں رضا ربانی دی سربراہی اچ بݨݨ آلی کمیٹی مہینہ بھر دی تقریبات دا باقاعدہ پروگرام بݨیسی ۔ ابتدائی طور تے اے طے تھئے جو گولڈن جوبلی دی تقریبات دے موقع تے خصوصی طور تے تیار کیتی ڳئی یادگار دا افتتاح کیتا ویسی ۔سکولاں تے کالجاں اچ آئین پاکستان دی اہمیت کوں اجاگر کرݨ کیتے تقریری مقابلے ک??ائے ویسن ۔ ھک بین الاقوامی آئینی کنونشن منعقد کرݨ دی تجویز وی زیر غور اے ۔ ایں توں انڄ سول سوسائٹی اتے سماجی اداریں نال رل تے دستور پاکستان کوں مزید بہتر تے فعل بݨاوݨ کیتے کوششاں دا وی اہتمام کیتا ویسی ۔ تقریبات دے انعقاد دے حوالے نال بݨݨ آلی ایڈوائزری کمیٹی اچ سینیٹر میاں رضا ربانی دے علاوہ وفاقی وزیر خزانہ سینیٹر محمد اسحاق ڈار، وزیرقانون سینٹر اعظم نذیر تارڑ، سینیٹر کامران مرتضی، وفاقی وزیر اطلاعات و نشریات مریم اورنگزیب، ممبران قومی اسمبلی آغا حسن بلوچ، امیر حیدر اعظم خان، ڈاکٹر نفیسہ شاہ، محمد افضل خان ڈھانڈلہ، وجیہہ قمر، انجینئر صابر حسین قائم خانی، خالد حسین مگسی شامل ہوسن ایں توں انڄ سابقہ سینیٹر فرحت اللہ بابرتے پارلیمانی امور دے ماہر محمد ظفر اللہ خان وی کمیٹی دا حصہ ہوسن ۔
