تاشقند ۔10نومبر(اے پی پی) ن??را?? وزیر اعظم انوار الحق کاکڑ بھارت دی عدم توجہی دے باوجود پاکستان اپݨی اتے خطے دی توانائی دی لوڑھ کوں پورا کرݨ سانڳے تاپی گیس پائپ لائن منصوبہ مکمل کرݨ کیتے پرعزم اے ،پاک بھارت تعلقات کوں معمول تے گھن آوݨ کیتے مسئلہ کشمیر اقوام متحدہ دی قرارداداں دے مطابق حل کرݨا ہ??سی، غزہ اچ تھیوݨ آلی تباہی دے اثرات خطے اتے ایندے ٻاہروں کھنڈݨ دے نتیجے نال چتاوݨی ݙیندے ہوئیں اتھاں وختی جنگ بندی تے زور ݙتے ، انہاں آکھیے تاشقند اچ اقتصادی تعاون تنظیم دے16ویں سربراہی اجلاس دے موقع تے خبر رساں ادارے اناطولیہ کوں خصوصی انٹرویو اچ انہاں آکھیے جو خطے اچ ھک کھلا انسانی المیہ نظر آندا پئے۔ اتے ایندا اثر نہ صرف خطے اچ بلکہ شاید خطے توں ٻاہر وی پوسی ۔انہاں غزہ اچ جنگ دے “وختی ” خاتمے تے زور ݙتے، وزیراعظم خوراک، دوائیں اتے ٻئے ضروری سامان دی بلا تعطل فراہمی کیتے انسانی راہداری دے قیام دا مطالبہ کیتے ۔انہاں آکھیے پاکستان اسلامی تعاون تنظیم (او آئی سی)دے آندے خصوصی اجلاس اچ شرکت دا منتظر اے، او آئی سی کوں غزہ دی صورت حال تے غور کرݨا چاہیدے ، تے اجتماعی ردعمل ظاہر کرݨا چاہیدے ،بغیر دستاویزات رہݨ آلے افغان مہاجرین کوں واپس بھیڄݨ دے پاکستان دے اقدام دا دفاع کریندے ہوئیں انہاں آکھیے انہاں دے ملک اے فیصلہ تھوڑی دیر نال کیتے ، لیکن اساں سرحد تے آمد و رفت کوں منظم کرݨ کیتے ٻہوں زیادہ پرعزم ہیسے۔انہاں آکھیے دنیا اچ کتھائیں وی تے کہیں دی ملک دی طرفوں غیر قانونی امیگریشن دی حوصلہ افزائی نی کیتی ڳئی تاں پاکستان نال خصوصی طور تے اے سلوک کیوں کیتا ویندے جو او غیر دستاویزی افغان شہریاں نال ٻئے سلوک کرے ۔ہر ملک ݙوجھے ملک دے شہریاں دی منظم آ مدورفت چاہندے ۔ وݙی مد اچ اے افغان شہریاں اتے پاکستانیاں دے بہترین مفاد اچ ہوسی جو باقی دنیا وانڳوں معمول دے مطابق منظم آمدورفت ہووے۔ترکیہ تے پاکستان وچال ݙو پاسے تعلقات کوں شاندارقرار ݙیندے ہوئیں انہاں ترکی اتے پاکستان وچال رابطے تے تعاون ودھاوݨ تے زور ݙتے۔انہاں آکھیے تجارت، زراعت اتے دفاع جیہے ٻہوں سارے شعبے ہن جنہاں اچ تعلقات کوں بہتر بݨایا ونڄ سڳدے۔ اتے کجھ راہداریاں کوں ترقی ݙے تے ترکیہ ،پاکستان اتے ایران وچال رابطے کوں بحال کیتا ونڄ سڳدے ، جیڑھا جو تمام اقوام تے پورے خطے کوں ٻہوں سارے موقع ݙیسی ۔ترکمانستان، افغانستان، پاکستان اتے انڈیا (تاپی) جیڑھا ارباں ڈالر دا توانائی کوریڈور اے، دے بارے اچ وزیر اعظم آکھیے بھارت دی طرفوں مبینہ عدم دلچسپی دے باوجود پاکستان دی توجہ وݙے عرصے توں زیر التوا منصوبے توں فیدے گھنݨ تے مرکوز اے ۔تاپی دے حوالے نال ترکمانستان، افغانستان اتے پاکستان دی طرفوں کافی جوش و خروش پاتا ایندے اے بھارتی معیشت کوں توانائی دی سستی تے پائیدار فراہمی کوں یقینی بݨا سڳدے ۔ لیکن جے او ایں پورے انتظامات دے فیدے توں ٻاہر رہݨ دا انتخاب کریندن تاں ، او ہݨ ایجھا کر وی سڳدن ۔لیکن میݙا خیال اے بھارت نال یا ایندے بغیر، ترکمانستان دی گیس کوں ایں خطے دے معاشی فیدے کیتے استعمال کیتا ونڄ سڳدے ۔ انہاں مزید آکھیے جو خطے کوں سانجھے طور تے ھک ݙوجھے توں فیدہ چاوݨا اے تاں اینکوں معمول تے گھن آوݨا ہ??سی ۔ انہاں آکھیے او ھک پرامیدانسان ہن تے جݙاں وی اوکھے حالات ہوندن تان انہاں کوں ہمیشہ ھک امید رہندی اے تے ایجھا ہی ہندوستان اتے پاکستان دے تعلقات بارے اے۔اساں ترائے جنگاں لڑئن ، لیکن کیا ݙو ارب دی آبادی ہمیشہ کیتے جنگ دی حالت اچ رہ سڳدی اے ؟
