ټولو له په ګډه د پوليو وائرس مخ نيوے كول دي٬ بايد نړيواله ورورولي د پوليو په خاتمه كښې د افغانستان هم مرسته وكړي۔ وزيراعظم عمران خان

APP39-241121 ISLAMABAD: November 24 Prime Minister Imran Khan chairing a meeting of National Task Force on Polio Eradication. APP

اسلام آباد 24 نومبر (اے پي پي) وزيراعظم عمران خان د پوليو مخنيوي د دوه كلن نېشنل اېمرجنسي اېكشن پلان منظوري وركولو سره وئيلي دي مونږ ټولو له په ګډه د پوليو وائرس خاتمه كول دي٬ بايد نړيواله ورورولي د پوليو په خاتمه كښې د افغانستان هم مرسته وكړي۔ د دې خيالاتو څرګندونه وزيراعظم د پوليو مخنيوي لپاره د قامي ټاسك غونډې مشرۍ په مهال خپلو خبرو كښې كړې۔ په غونډه كښې وزيراعظم د پوليو مخنيوي په موثره اقداماتو د صحت صوبائي څانګو او ضلعي انتظاميې ته پېرزوئنې وړاندې كولو سره د نړيوالو شراكتدارو په مالي او تكنيكي مرسته مننه وكړه۔ وزيراعظم ووئيل په ژمي كښې د پوليو خپرېدو شرح كمه وي او د كوچنيانو اېمونائزېشن لپاره هم دا وخت زيات مناسب وي٬ مونږ ټولو له په ګډه د پوليو وائرس مخ نيوے كول دي۔ ده ووئيل بايد نړيواله ورورولي د پوليو په خاتمه كښې د افغانستان هم مرسته وكړي دغسې چې هنګامي صورتحال څخه وساتلے شي۔وزيراعظم امر وكړٶ چې د كوچنيانو د اېمونائزېشن نور پروګرامونه دې هم د پوليو مخنيوي كمپائن سره وچلولې شي دغسې چې زيات كورېج ترلاسه شي۔ غونډې ته ووئيل شول راتلونكو پنځو كالو لپاره د 798.6 مېليونه ??ال??و پي سي ون منظورۍ لپاره جوړ دے چې پكښې د نړيوالو ادارو او د پاكستان حكومت مالي معاونت شام?? دے۔ غونډه خبر كړې شوه چې كال 2020 كښې د پوليو 84 كېسونه رپورټ شوي او د تېرو لسو مياشتو په مهال يو كېس هم نه دے رپورټ شوے كوم چې پاكستان كښې د پوليو مخنيوي پحقله لويه كاميابي ده۔ غونډې ته ووئيل شول پاكستان كښې د پوليو وائرس د افغان كډوالو د لارې راځي۔ غونډې ته ووئيل شول پاكستان كښې په 36 مياشتو كښې د پوليو كېس نه راتللو په صورت به د ورلډ هېلته آرګنائزېشن لخوا “پوليو فري” سند ترلاسه شي۔ دغسې د پاكستان آرمي انجنئير ان چيف غونډه د پوليو ډلو ته د وركړے شوي امنيت پحقله خبر كړه۔ د نړيوالو ادارو نمائندګانو د پوليو مخنيوي كمپائن په موثره قيادت د وزيراعظم مننه وكړه او د خپلې مرستې او عزم ئې څرګندونه وكړه٬ نمائندګانو د حكومت د پوليو مخنيوي په اقداماتو هم د باور څرګندونه وكړه ۔ د ټاسك فورس په غونډه كښې د وزيراعظم قامي صحت لپاره خاص مرستيال ډاکټر فېصل سلطان، د خېبر پښتونخوا ګورنر شاه فرمان، د پنجاب وزيراعلي سردار عثمان بزدار، د خېبرپښتونخوا وزيراعلي محمود خان، د ګلګت بلتستان وزيراعلي خالد خورشيد، د بلوچستان د وزير صحت سيد احسن شاه، د آزاد جمو و کشمير وزير اعظم سردار عبدالقيوم خان نيازي، د پاکستان آرمي انجنئير ان چيف لېفټيننټ جنرل معظم اعجاز، ټولو چيف سېكترانو ٬ د ډبليو اېچ او ٬ يونېسف٬ سي ډي سي٬ ګاوي ٬ بل اېنډ ملېنډا ګېټس او د روټري انټرنېشنل لوړ پورو او سينئر سركاري چارواك?? ګدون كولو