رحیم یارخان۔ 20 جنوری (اے پی پی):مسلم لیگ ن دے مرکزی سینیئر رہنما و سابق ڈپٹی اسپیکر قومی اسمبلی چوہدری محمد جعفر اقبال آکھیے وختی عام انتخابات ملک کوں پیش آندے چیلنجزدا حل کائنی، پہلے چیلنجز ختم تھیون تے الیکشن کرائے ونڄں محب وطن، باکردار ،قابل اتے چنڳی شہرت آلیں کوں نگران حکومت اچ شامل کرتے انہاں کوں چیلنجز نال نبݨݨ دا بھر پور موقع ݙتا ونڄے تاں ملک صحیح پاسے چل سڳدے ۔ رحیم یارخان یونین آف جرنلٹس دےصدر جاوید اقبال اتے مرکزی ایڈیشنل سیکریٹری عمران مقصود دی قیادت اچ ملݨ آلے عہدیداراں نال ڳالھ مہاڑ کریندے ہوئیں چوہدری محمد جعفر اقبال آکھیے جو عام انتخابات دے بعد بلدیاتی انتخابات تھیسن فوری عام انتخابات ٹیکنیکل وجوہات دی وجہ توں ممکن کائنی ۔عمران خان تے اوندی ٹیم دی نااہلیت اتے ناقص پالیساں ملک اچ معاشی بحران پیدا کیتے ،پی ڈی ایم دی حکومت اقتدار اچ کیوں آئی ایں سوال دا جواب ملݨ شروع تھی ڳئے اے وختی اقتدار اچ نہ آندی تاں ملک ڈیفالٹ تھی چکیا ہوندا حالی وی ملکی معاشی حالت ٹھیک کائنی،ملک انہاں چیلنجز کوں پوری طرح فیس نی کریندا پیا دعا اے جو اللہ پاک ملک دے معاشی حالات بہتر کرےحکومت دی بھر پور کوشش اے معاشی حالات بہتر کرتے ملک کوں ڈیفالٹ توں بچایا ونڄٖے مسلم لیگ ن اتے اتحادی جماعتاں دی حکومت چنڳاں رزلٹ ݙیندی پئی اے ۔
