اقوام متحدہ ولوں پاکستان اچ موسمیاتی تبدیلی نال تباہی بارے قرار داد وݙی کامیابی اے، وزیر خارجہ بلاول بھٹو زرداری

اسلام آباد۔9اکتوبر(اے پی پی)وزیر خارجہ بلاول بھٹو زرداری آکھیے جو اقوام متحدہ ولوں پاکستان اچ موسمیاتی تبدیلی نال تباہی بارے قرار داد وݙی کامیابی اے، ہݨ چین، امریکا اتے روس وی پاکستان کیتے کٹھے تھی چکین۔ پݨے ٹویٹ اچ وزیرخارجہ آکھیا جو پاکستان کوں ہک ٻئی وݙی کامیابی ملی اے، اقوام متحدہ پاکستان اچ موسمیاتی تبدیلیاں نال تباہی بارے قرارداد منظور کیتی اے، اقوام متحدہ دی جنرل اسمبلی اچ 141 ملکاں متفقہ طور تے پاکستان اچ موسمیاتی تباہی تے قرارداد منظور کیتی اے۔ انہاں آکھیا ڄݙاں جیوپولیٹیکل ونݙ ڳھاٹی تھیندی ویندی اے، چین، امریکا اتے روس دا قرار داد کو پیش کرݨ آلیاں اچ ہووݨ حوصلہ افزا اے جیندے تے مشکور ہیں، اساں اقوام متحدہ دے سیکرٹری جنرل، اقوام متحدہ جنرل اسمبلی دے صدر اتے اقوام متحدہ اچ پاکستانی مشن دا وی شکرادا کریندے ہیں۔

مضمون کا ماخذ : loteria instantânea

متعلقہ مضامین