اسلام آباد-13 سيپٽمبر (اي پي پي) پاڻي وسيلن وا??ي وزارت قومي اسيمبليءَ کي ٻُڌايو آهي ته ٽيلي ميٽري سسٽم نه هئڻ سبب صوبن وچ ۾ پاڻيءَ جي معاملن تي خدشا ڏٺا وڃن ٿا، حڪومت ٽيلي ميٽري سسٽم جو ٺيڪو ڏئي ڇڏيو آهي جيڪو هر صوبي جي پاڻي حدن جي شروعات ۾ لڳايو ويندو. ڪالهه قومي اسيمبليءَ جي اجلاس ۾ سوالن جي وقفي دوران شرميلا فاروقي جي سوال جي جواب ۾ پيٽروليم ۽ پاڻي وسيلن وا??ي وفاقي وزير مصدق ملڪ چيو ت?? عالمي سطح تي گرين هائوس گيسز جي نيڪال ۾ واڌ ٿي رهي آهي. موسميات کاتي طرفان جاري ڪيل انگن اکرن موجب هاڻ ملڪ ۾ هيٽ ويو نظر نه اچي رهيو آهي، صرف گلگت بلتستان ۽ آزاد ڪشمير ۾ واڌ ڏسڻ ۾ آئي آهي. هن چيو ته پهرين اپريل تائين 19 ملين ايڪڙ فوٽ پاڻي ڊائون ڪوٽڙيءَ تائين وڃي چڪو آهي. پنجاب ۾ واٽر ايڪٽ 2019ع منظور ڪيو ويو آهي، ان تحت واٽر اٿارٽي بڻجي چڪي آهي. ڪي پي ڪي واٽر ايڪٽ 2020ع بڻجي چڪو آهي، اتي اٿارٽيز بڻجي رهيون آهن. بلوچستان ۾ 1973ع جو عمل لاڳو آهي، ان تحت زمين وا??و پاڻي ڪنٽرول ٿئي ٿو. سنڌ ۾ اڃا تائين ان حوالي سان ڪو قانون منظور نه ٿي سگهيو. اسان ڪوشش ڪري رهيا آهيون ته سنڌ ۾ به قانونسازي ڪئي وڃي. هن چيو ته اسان وٽ زمين وا??ي پاڻي جي حوالي سان صورتحال بهتر ناهي. صوبن سان گڏجي زمين وا??ي پاڻيءَ جي حوالي سان مسئلا حل ڪري رهيا آهيون. نواب محمد يوسف ٽال??ر ۽ خورشيد احمد جوڻيجو جي ضمني سوال جي جواب ۾ ڊاڪٽر مصدق ملڪ چيو ته سنڌ جي هيٺاهين وا??ن علائقن ۾ ئي ڊيمو?? ٺهنديون. سنڌ کي پاڻيءَ جو پورو حاصل ملي رهيو آهي. اتي ٽيلي ميٽري سسٽم ناهي لڳل. ان لاءِ صوبن وچ ۾ ان حوالي سان خدشا ڏٺا وڃن ٿا. ٽيلي ميٽري سسٽم جو ٺيڪو ڏنو ويو آهي جيڪو هر صوبي جي حدن جي شروعات ۾ لڳايو ويندو.
