ہک بئے تے الزام لاونڑ نال کوئی چنگاں نتیجہ کائناں نکلسے ، پاکستان اتے امریکا کوں سانجھے مقصد دے حصول سانگے آپس اچ اعتماد ودھاونڑدی ضرورت ہے وزیر خارجہ شاہ محمود قریشی د ایونائیٹڈ سٹیٹس انسٹیٹیوٹ آف پیس دی تقریب نال خطاب
Foreign Minister Makhdoom Shah Mahmood Qureshi addressing at the United States Institute of peace.
واشنگٹن ۔ 4 اکتوبر (اے پی پی) پاکستان اتے امریکاکو ں سانجھاسانجھے مقصد دے حصول سا??گے ہک بئے نال اعتماد اچ ودھارا کرنڑ دی ضرورت ہے۔ وزیر خارجہ شاہ محمود قریشی اپنڑے دورہ امریکا دوران ٹرمپ انتظامیہ حکام نال پاک امریکا ڈوطرفہ رابطے دے ودھا??ے دے حوالے نال آکھیا جو ڈوہائیں ملکاں کوں چاہیدے جوا واپنڑے ماضی دے تاریخی تعاون دی بنیاد تے آپس اچ اعتماد اچ ودھارا کرنڑ تاں جو جنگ نال متاثرہ افغانستان اچ امن تے استحکام سمیت سانجھا مقصد دے حصول کوں یقینی بنڑایا ونج سگے ۔ یونائیٹڈ سٹیٹس انسٹیٹیوٹ آف پیس واشنگٹن اچ ہک تقریب نال خطاب کریندے ہوئیں وزیر خارجہ آکھیا جوتبدیلی دی مثبت توقعات دے نال واپس ویندا پیا ں۔ انہاں آکھیا جو اساں اپنڑے مقصد انجھ انجھ حاصل نی کرسگدے بلکہ میڈے نزدیک اساکوں سانجھی کوشش دی ضرورت ہے ۔وزیر خارجہ شاہ محمود قریشی آکھیا جوہک بئے ت?? الزام لاونڑ نال کوئی چ??گے نتیجے کائناں ملسن۔انہاں آکھیا جو پاکستان اتے امریکا کوں سانجھا مقصد دے حصول سا??گے آپس اچ اعتماد اچ ودھارا کرنڑ دی ضرورت ہے۔انہاں آکھیا جوپاکستان اچ دہشت گرداں دا کوئی محفوظ ٹھکانڑاں کائنی ، ایجھا تاثر قائم کرنڑ توں پہلے خوداتھاں ونج تے جائزہ گھنڑ ضروری ہے۔وزیر خارجہ آکھیا جوامریکی ارکان پارلیمنٹ جتھاں ونجنڑ چاہندن سہولتاں ڈیسوں۔انہاں آکھیا جوڈوطرفہ ملاقاتاں اچ ڈاکٹر شکیل آفریدی دے نال ڈاکٹر عافیہ صدیقی دے ایشو تے وی گال بات کیتی گئی۔ وفاقی وزیر آکھیا جو امریکی کانگریس اچ پاکستان دے نقطہ نظر کوں چ??گے طریقے نال پیش کرنڑ سا??گے پاکستان دے سفیر علی جہانگیر صدیقی کوں ہدایات ڈتیاں گن ۔ ہک سوال دے جواب اچ وفاقی وزیر آکھیا جوڈوطرفہ ملاقاتاں اچ جڈاں وی ڈاکٹر شکیل آفریدی دے کیس تے گال بات تھئی تاں ایں موقع تے ڈاکٹر عافیہ صدیقی دے ایشو تے وی گال کریسوں۔ انہاں آکھیا جو ڈاکٹر شکیل آفریدی دا فیصلہ پاکستان دے قنون مطابق کیتا ویسی۔ بعداچ وفاقی وزیر اپنڑے دورہ ختم تھیونڑ تے پاکستان روانہ آئین۔
