اسلام آباد۔15دسمبر(اے پی پی) وفاقی وزیر داخلہ رانا ثناءاللہ خان آکھیے عمران نیازی اپݨے غیر ملکی ایجنڈے تے عمل درآمد کریندے ہوئیں پارلیمانی نظام جمہوریت تے حملے دیاں تیاریاں کریندا پئے ، خبردار کرینداں جو عمران نیازی معیشت دشمن ایجنڈے توں باز آوںڄے ، ملکی سلامتی کوں کمزور کرݨ دی ہر ھک مذموم سازش کوں ناکام بݨیسوں ۔ آپݨے ھک بیان اچ وفاقی وزیر رانا ثناءاللہ خان آکھیے جو حکومت کوں بلیک میل کرݨ، دارالحکومت اسلام آباد تے مسلح جتھیں دے ذریعے حملہ کرݨ تے آپݨے مذموم سیاسی ایجنڈے کوں نافذ کرݨ اچ ناکامی توں بعدعمران خان ہݨ پارلیمانی نظام جمہوریت تے حملہ آور تھیوݨ تے تل ڳئے ۔ انہاں آکھیے پارلیمانی نظام جمہوریت، قومی وصوبائی اسمبلیاں اتے 1973 دا آئین او نظام اے جیں تے ھک مستحکم پاکستان دی بنیاد اے،کہیں آئینی اتے قانونی جواز دے بغیر محض اپݨے مذموم سیاسی مقاصد اتے ملک دشمن ٻاہرلے ایجنڈے دی تکمیل کیتے جے اساں ھک واری حملے کوں کامیاب تھیوݨ ݙتا تاں ول ول اے عمل دہرایا ویسی ۔ انہاں آکھیے پارلیمان اچ ٻیٹھی ہراپوزیشن حصول اقتداراتے اپݨے سیاسی ایجنڈے دے حصول کیتے اے حربہ آزمیسی جو جیں توں ݙر اے جو پارلیمانی نظام جمہوری اپݨے انجام کوں پڄ ویسی ۔ وفاقی وزیر رانا ثناءاللہ خان آکھیے عمران خان نیازی دا پارلیمانی جمہوری نظام تے اعتماد کہیں توں لکیا ہویا کائنی اے آپݨے اقتدار کیتے کہیں وی غیرآئینی تے غیر جمہوری ہتھکنڈے کوں کرݨ توں باز نہ آسی ۔
.jpg)
