صدر مملکت ڈاکٹر عارف علوی کوں فلپائن، ایران اتے روانڈا دے نامزد سفیراں سفارتی اسناد پیش کرݙتن
APP23-130723
ISLAMABAD: July 13 - The newly-appointed envoys of the Philippines, Iran and Rwanda presenting their diplomatic credentials to President Dr. Arif Alvi at Aiwan-e-Sadr. APP/MAF/TZD
اسلام آباد۔13جولائی (اے پی پی):صدر مملکت ڈاکٹر عارف علوی آکھیے پاکستان فلپائن، ایران اتے روانڈا دے نال تجارت، معیشت، سرمایہ کاری، ثقافت اتے عوام نال عوام دے رابطیں دے شعبیں اچ ݙو پاسے تعلقات ودھاوݨ چاہندے ۔ ایوانِ صدر دے پریس ونگ توں جاری بیان موجب صدر مملکت اے ڳالھ فلپائن اتے ایران دے نامزد سفیراں تے روانڈا دے نامزد غیر مقیم ہائی کمشنر نال ایوان صدر اچ ڳالھ مہاڑ کریندے ہوئیں آکھی جنہاں آپݨی سفارتی اسناد پیش کیتن اتے انہاں نال انڄ انڄ ملاقات کیتی ۔ صدر مملکت فلپائن دی نامزد سفیر ماریا سروینٹس نال ملاقات اچ آکھیے جو پاکستان فلپائن نال تعاون دے سارے شعبیں اچ ݙو پاسے تعلقات ودھاوݨ چاہندے ، انہاں پاکستان اتے فلپائن وچال ݙو طرفہ تجارتی اتے معاشی تعلقات مزید تکڑے کرݨ سانڳے تعاون دے نویں رستے ڳولݨ دی لوڑھ تے زور ݙتا ۔ صدر مملکت نال پاکستان کیتے نامزد ایرانی سفیر ڈاکٹر رضا امیری مقدم وی ملاقات کیتی ۔ صدر مملکت آکھیے ݙوہیں ملکاں وچال قائم ادارہ جاتی نظام اتے نجی شعبے دے تعاون نال اقتصادی رابطے کوں ودھاوݨا ہوسی ۔ انہاں آکھیے ایران نال موجودہ ادارہ جاتی نظام مضبوط بݨاوݨ تے بارڈر مارکیٹس فعال کرݨ دی لوڑھ اے ۔ صدر مملکت نال پاکستان اچ روانڈا دے نامزد ہائی کمشنر جیمز کیمونیو وی ملاقات کیتی۔ صدر ڈاکٹر عارف علوی روانڈا نال تجاتی تے اقتصادی تعلقات تکڑے کرݨ دی لوڑھ تے زور ݙتا تے آکھیے جو ݙو پاسے تجارت ودھاوݨ نال کاروباری برادریاں کوں دورے کرݨ دی لوڑھ اے ۔
.jpg)
