اسلام آباد۔24اگست(اے پی پی):نگراں وزیراعظم انوار الحق کاکڑ آکھیے جو ملک محفوظ ہتھاں اچ اے، بٹگرام چیئرلفٹ ریسکیو آپریشن بہترین حخمت عملی پاروں کامیاب تھئے، طاقت دی تݙ تے اپݨی ڳالھ منواوݨ دا سوچݨ آلے غلط فہمی دور کرڳھنن، نگراں حکومت دی ذمہ داری انتخابات کیتے الیکشن کمیشن دا ہتھ ونݙاوݨ اے۔ اے ڳالھ وزیراعظم اسلام آباد اچ بٹگرام چیئرلفٹ ریسکیو آپریشن اچ حصہ ڳھنݨ آلیاں دے ماݨ سانڳے تقریب اچ خطاب کریندے آکھی۔ انہاں آکھیا جو اللہ دے فضل نال چیئرلفٹ حادثہ دے طالب علماں کوں نواں ڄیوݨ ملیے، نواجوان ساݙا مستقبل اتے پاکستابن دی سنڄاݨ ہین، اساں بہترین منصوبہ بندی نال مستقبل بچائے، اوکھے موسم اتے حالات دے باوجود آپریشن دی کامیابی حوصلہ افزا اے، مدد دا جذبہ ݙیکھݨ آلا ہا، پوری قوم انہاں ٻالاں کیتے دعا اتے چنتا کیتے۔ انہاں آکھیا جو وزیرستان اچ پاک فوج دے جوان شہید تھین، پاک فوج، پولیس، سیاستداناں، صحافیاں اتے سول سوسائٹی دے مختلف شہداء کوں خراج عقیدت پیش کریندے ہیں،اپݨے شہدا کوں کݙاھیں نال ٻھلسوں۔ وزیراعظم آکھیا جو شہریاں کوں صحت، تعلیم دی سہولیات، روزگار و باعزت زندگی دا موقع ݙیوݨ ریاست دی ذمہ داری اے، محدود مدت اچ انتخابات اچ ہتھ ونݙاوݨ ساݙا مینڈیٹ اے۔ نگراں وزیراعظم بٹگرام چیئرلفٹ آپریشن اچ حصہ ڳھنݨ آلے ایس ایس جی کمانڈوز سودھا ٻئے اداراں دے اہلکاراں اتے مقامی لوکاں کوں تعریفی سنداں وی ݙتن۔
.jpg)
